Denne veka vart nettverket ”Digitalt entreprenørskap” skipa på eit møte i Måløy. Nettverket er ope for alle bedrifter i Sogn og Fjordane som leverer eller driv med utvikling av nye produkt og tenester basert på digital teknologi. Målet er å fremje samarbeid mellom medlemene, byggje nettverk og dele erfaringar.

Så langt har tolv bedrifter meldt si interesse for å vere med, og i første omgang er det laga eit arbeidsutval med fem medlemer, som skal planleggje aktivitetar og førebu prosjekt. Ein del av møta skal gå på omgang blant medlemene for å bli betre kjende med kvarandre. Nettverket er organisert som ei arbeidsgruppe i IT-Forum Sogn og Fjordane.

– Det første vi tek fatt på i samband med at bedriftene melder seg inn, er å lage ein oversikt over kva tenester, produkt og kompetanse som finst innan digital teknologi i Sogn og Fjordane. Her trur eg mange vil få ei positiv overrasking når dei ser kor  bra det eigentleg står til , seier Arild Nybø, som er leiar i det nye nettverket.

– Mange bedrifter er små, og har ikkje høve til å ha t.d. eigen stand på messer. Når vi slår oss saman kan vi marknadsføre alle under same paraply overfor kundar, investorar og personar som vi ønskjer å rekruttere. Og dei større bedriftene vil kunne sjå at dei i mange tilfelle kan få kjøpt dei tenestene dei treng innanfor eige fylke. Men vi sjølvsagt skal halde fram med å konkurrere.

Neste møte vert i samband med IT-Forum Sogn og Fjordane og Innovasjon Norge sin store teknologikonferanse på Skei i oktober: Kunnskap kryssar grenser.

Desse er valt inn i arbeidsutvalet:
•    Arild Nybø (leiar), Mediebruket, Førde
•    Njål Wilberg, Avoco, Gulen
•    Jørn Mikalsen, VideoNor, Vågsøy
•    Halvor Gregusson, Yast, Sogndal
•    I tillegg er sekretariatet i IT-Forum Sogn og Fjordane med i arbeidsutvalet.

Biletet er frå skipingsmøtet hos Localhost og VideoNor i Måløy tysdag. Foto: Jørn Mikalsen, VideoNor.

For meir info/innmelding, kontakt:

Arild Nybø (leiar), Mediebruket. Tlf. 977 33 028. Epost: arild@mediebruket.no.

Ei gruppe IT- og webgründerar i Sogn og Fjordane har gått saman for å etablere arbeidsgruppa ”Digitalt entreprenørskap” i IT-Forum Sogn og Fjordane. Initiativtakarane ønskjer at gruppa først og fremst skal vere ein møteplass for erfaringsdeling og samarbeid mellom bedrifter som arbeider med digital innhalds- og tenesteproduksjon, og vil ha eit særleg fokus på gründerverksemd og entreprenørskap.

Gruppa er open for entreprenørar og gründerar i Sogn og Fjordane innan utvikling av programvare og datautstyr, og utvikling av innhalds- og tenesteproduksjon på internett og telenettet. Vi let det vere opp bedriftene/organisasjonane sjølve å vurdere om det kan vere nyttig med medlemskap i denne gruppa, og det er derfor i utgangspunktet fritt fram for alle interesserte å melde seg inn.

PROGRAM

Måndag 28. juni kl. 20.00: Nettverkssamling med middag

• Stad: Kraftstasjonen Restaurant, Gate 1, Måløy
• Overnatting og middag må betalast av deltakaren.

Tysdag 29. juni kl. 10.00: Presentasjon av ”Teknopollen” og gründermiljøet i Måløy

• Stad: LocalHost, Gate 1, nr 57, Måløy.
• Investor Ken Carlson held innlegg om entreprenørskap og verdiskaping. (Innlegget med Gunnar Carlson går ut.)
• Sindre Kvalheim i LocalHost orienterer om verdas største og grønaste datasenter: Lefdal gruve, og fortel litt om kva dei har gått gjennom som gründerbedrift.
• Jørn Mikalsen i nyetablerte  VideoNor orienterer om selskapet, forretningsmodellen, og forklarer korleis dei kan lage ein virtuell arena for samhandling t.d. i faggruppa vår i IT-Forum Sogn og Fjordane.
• I tillegg kan det hende det vert tid til ein tur innom Easy Form som hovudsakleg lagar pluggar og former til den nordeuropeiske båt- og vindmøllebransjen, og leverer omfattande produktutviklingspakker i nært samarbeid med Måløy-selskapa Nordwest 3D og Stadt Towing Tank.

Tysdag 29. juni:

kl. 12.00: Lunsj, Kraftstasjonen Restaurant, Gate 1, Måløy

kl. 13.00 Skipingsmøte for arbeidsgruppa ”Digitalt entreprenørskap”

• Stad: LocalHost, Gate 1, nr 57

Påmelding til arild@mediebruket.no, tlf. 977 33 028.
Oppgje kor mange som kjem frå dykkar organisasjon, og om de blir med på nettverkssamling og middag måndag kveld.

• Overnatting måndag til tysdag må ordnast av kvar enkelt, og kan t.d. tingast hos Torget Hotel. Ring hotellvert Arne på tlf. 953 33 133. Det er halde av rom, oppgje referanse til ”IT forum samling”.
• NB! Frist for påmelding 25. juni.

BAKGRUNN FOR GRUPPA ”DIGITALT ENTREPRENØRSKAP”

Initiativet til ei gruppe i IT-Forum Sogn og Fjordane for ”tech start-ups” og innhalds- og tenesteleverandørar oppsto som følgje av at vi innan dette feltet manglar ein god arena i Sogn og Fjordane. Vekstbedrifter innan IT-nyskaping i Sogn og Fjordane har gjerne god kontakt med utviklingsmiljø andre stader i landet og i utlandet, men når det gjeld nettverksbygging innad i fylket har vi ikkje vore like flinke.

Vi skal dyrke og styrke kvarandre – heve kompetansen til einannan. Ved å lage til ei slik gruppe får vi synleggjort for resten av fylket og potensielle kundar kva kompetanse som finst, og vi får gjennom gruppa høve til å fronte saker som vedrører vår bransje lokalt og nasjonalt. Kostnadsmessig vil det dessutan i mange tilfelle vere rimelegare å få føredragshaldarar til Sogn og Fjordane når vi skipar til samlingar, enn at bedriftene skal sende sine representantar til andre stader i landet. Samlingane bør gå på omgang hos dei ulike medlemene for at vi skal bli betre kjende med kvarandre.

IT-Forum Sogn og Fjordane vil vere den naturlege overbygningen for ei slik gruppe, og ideen vart presentert og applaudert på årsmøtet der i vår. IT-Forumet har ikkje arbeidsgrupper frå før der det er naturleg for vår type bedrift å bli medlem. Arild Nybø i Mediebruket i Førde vart beden om å arbeide vidare med ideen, og knytte kontakt med Njål Wilberg  og Jørn Mikalsen, som saman med Ivar Petter Grøtte i IT-Forum Sogn og Fjordane oppretta eit interimarbeidsutval.

Interimarbeidsutvalet tilrår at gruppa set i gang eit forprosjekt for å få i gang aktiviteten. Det er råd å søkje styringsgruppa i IT-Forum Sogn og Fjordane om midlar til dette.

KRITERIER FOR MEDLEMSKAP

Interimarbeidsutvalet ønskjer at gruppa først og fremst skal vere ein møteplass for erfaringsdeling og samarbeid mellom dei bedriftene som arbeider med digital innhalds- og tenesteproduksjon, og vil ha eit særleg fokus på gründerverksemd og entreprenørskap.

Sjølv om kriteria for å bli medlem bør vere breie, så ønskjer vi at gruppa fokuserer ein del på utfordringar for ’tech start-ups’, gründerar innan nyskapande digital teknologi i Sogn og Fjordane. Slike utfordringar kan vere oppkapitalisering, rekruttering m.m. Det vert stadig fleire slike bedrifter i Sogn og Fjordane, men dei har ingen felles arena. Det er derfor forholdsvis einsamt å vere gründer innanfor digitale tenester i Sogn og Fjordane, og ofte er det langt til næraste ’likesinna’. Gründerfokuset kan sjølvsagt gjere at ein del større bedrifter med IT-avdelingar ikkje finn det så interessant å vere med i gruppa, men vi trur at i alle fall dei bedriftene som driv med nyskaping innan IT vil ha nytte av å vere med, sjølv om dei ikkje lenger er i gründerfasen.

Interimarbeidsutvalet tilrår med andre ord at gruppa vert open for entreprenørar og gründerar i Sogn og Fjordane innan utvikling av programvare og datautstyr, og utvikling av innhalds- og tenesteproduksjon på internett og telenettet. Årleg medlemsavgift vert førebels sett til kr. 1.000.

LEIAR I INTERIMARBEIDSUTVALET:

Arild Nybø, Mediebruket, Førde
Epost: arild@mediebruket.no
Tlf.: 977 33 028

ANDRE MEDLEMER:

Ivar Petter Grøtte frå IT-Forum Sogn og Fjordane (Vestlandsforsking), Sogndal.
Epost: ipg@vestforsk.no Tlf.: 908 28 418

Vara: Øyvind Heimset Larsen, IT-Forum/Vestlandsforsking

Njål Hansen Wilberg, Avoco (AskAdam / Beat), Gulen
Epost: njaha@avoco.no Tlf.: 970 61 370

Jørn Mikalsen, VideoNor, Vågsøy
Epost: jorn.mikalsen@videonor.no Tlf.: 917 15 555

(Illustrasjon: Steve Johnson, CC 2.0)

- Notat frå førelesing

- Oppgåveskjema

Mediekameratane heldt dagskurs for kring 65 tilsette i Arbeidstilsynet Vestlandet tysdag 8. juni 2010. Her stikkord frå førelesinga om sosiale medier, tilleggsmateriale og relevante lenker.

Ei kort innføring i sosiale medier

ved Arild Nybø, mediebruket.no, Partner i Mediekameratane.

Omfang

I mars 2009 var over 25 milliardar nettsider tilgjengelege på internett samstundes.
Korleis kan du rekne med at dine nettsider blir oppdaga?
15. juni 2009 var det overført 494 exabytes med data via internett = eller 494.000.000.000.000.000.000 bytes
Korleis skal din daglege informasjon bli høyrt og sett?

KJAPPE FAKTA:
1 gigabyte = 1.000 megabytes
1 exabyte = 1 milliard gigabytes
5 exabyte = alle ord som nokon gong er sagt dersom dei hadde vore skrivne ned.

Nesten 70 % av innhaldet på nettet er laga av enkeltpersonar.

Sosiale medier er verktøy for samtalar og samhandling mellom menneske på internett i form av tekst, bilete, lyd, video, spel…

Ulike former for sosiale medier:

• Blogging
• Mikroblogging
• Kommentarskriving
• Multimediedeling
• Lenkedeling
• Utstillingsvindauge for deg sjølv
• Spel

Dei mest aktuelle sosiale mediene

• Facebook (ca. 1,5 - 2,5 millionar nordmenn)
  • Promotere tenester, blogginnlegg, m.m., og å starte diskusjonar og få tilbakemeldingar, og å halde kontakt mellom noverande og tidlegare tilsette og ”pårørande”.
• Twitter (ca. 25.000-35.000 i mai)
  • Skaffe medieoppslag, dra i gang debattar og promotere tenester, blogginnlegg m.m. Kan t.d. marknadsføre gamblertesten.no.
• LinkedIn (ca. 10.000-20.000?)
  • Rekruttering og faglege diskusjonar.
• YouTube (uvisst tal, men ein treng ikkje vere medlem)
  • Kan brukast t.d. for å visualisere framgangsmåte, haldningsskapande filmar, opplæring i HMS, dele ressurar frå andre stader i verda ved å lage favorittar.
• Flickr (verdas største fotodelingsteneste)
  • Dele pressefoto, opplæring m.m.
• Origo
  • Glimrande bloggverktøy, for t.d. blogging innanfor eit avgrensa fagområde.. Kan også brukast for å promotere info som gjeld eit geografisk avgrensa område.

Brukar du ikkje sosiale medier i 2010 så er du ikkje på internett…

Statleg kommunikasjonspolitikk passar med bruk av sosiale medier:
Den statlige kommunikasjonspolitikken bygger på fem prinsipper:

• Åpenhet: I sin kommunikasjon med innbyggeren skal staten fremstå åpen, tydelig og tilgjengelig.
• Medvirkning: Staten skal ta berørte innbyggere med på råd og involvere dem i utforming av politikk og tjenester.
• Nå alle: Staten skal sørge for at relevant informasjon når fram til alle berørte.
• Aktiv: Staten skal aktivt og i tide informere innbyggerne om deres rettigheter, plikter og muligheter.
• Helhet: Statlige virksomheter skal samordne sin informasjon.

Utdrag frå St.meld. nr. 19 (2008-09):
Ei forvaltning for demokrati og felleskap

• Offentleg informasjon via nettsamfunn og sosiale medium kan òg gjere informasjonen meir nyttig, tilgjengeleg og relevant for fleire brukarar.
• Tovegs kommunikasjon med brukarane kan gi fleire fordelar, som auka deltaking og medverknad. Forvaltninga bør i større grad sjå på innbyggjarane og brukarane som samarbeidspartar og ikkje berre som passive mottakarar av informasjon.
• Framveksten av sosiale nettsamfunn og den aukande utbreiinga av fri programvare peikar i retning av at det eksisterer ein sterk deltakar- og delingskultur i samfunnet. Dette skaper forventning, kanskje spesielt blant dei unge, om at deltaking i form av informasjonsdeling, brukarskapt innhald og dialog også skal vere norma ved utvikling av offentlege elektroniske tenester.
• Forvaltninga bør og kan utnytte deltakar- og delingskulturen på nettet betre.

Bruk sosiale medier fornuftig

• Kommuniser der målgruppene er.
• Delta i kommunikasjon hos målgruppene.
• Lever tilgang til nettenester der målgruppene er.
• Lag betre brukaropplevingar ved at målgruppene lettare finn informasjonen når dei treng den.
• Hald ein høg standard også i sosiale medier.

Mitt råd
• Pr. i dag kan sosiale medier som verktøy supplere og forsterke andre kanalar for Arbeidstilsynet

Sosiale medier er godt eigna for

• Dialog med sluttbrukarar
• Tilbakemelding på om kommunikasjon og informasjonstiltak fungerer.
• Hjelp til å spreie informasjon til dei som kan ha nytte av den.
• Promotering av eigne nettsider.
• Dialog med media og å få merksemd i media
• (Fungerer best når ein person står bak, ikkje berre tilsynslogoen)

Interne sosiale medier eigna for

• Å involvere tilsette i prosessar
• Å auke kunnskapen om eiga verksemd
• Skape entusiasme for eigen arbeidsplass
• Dialog med andre formelt involverte (t.d. ekstranett)

Sosiale medier er førebels lite eigna for

• Kommunikasjon som skal journalførast (men sjå link til Riksarkivaren lenger nede)
• Kommunikasjon som krev anonymisering
• Forhandlingsdialog med fagforeiningane

Sosiale medier kan:

• gjere det lettare for tilsynet å forstå, svare og få merksemda til spesifikke brukargrupper.
• opne for ekte to-vegs kommunikasjon med brukarar, partnarar og andre interessentar på område der dei har aktivitetar innanfor tilsynets virkeområde – styrke samarbeidet og samhandlinga.
• gjere det lettare for publikum å ta del i den offentlege kommunikasjonen.
• gjere det lettere for statlege tilsette å nå publikum.
• gje høve til å justere kommunikasjonen raskt når det er behov for det.
• gjere kommunikasjonen meir kostnadseffektiv over tid.
• føre til at tilsynet får nyttige og raskare tilbakemeldingar frå publikum.
• gjere at tilsynet blir mindre avhengig av tradisjonelle medier, og blir i mindre grad offer for unøyaktige framstillingar .

Råd om bruk av sosiale medier

• Observer og lær deg skikkane i dei ulike sosiale mediene.
• Gje konstruktiv og motivert ros så ofte du kan, også til heilt framande.
• Ver varsam med å gje negativ kritikk generelt, og gje aldri negativ kritikk til enkeltpersonar.
• Sei takk også for negativ kritikk.
• Ikkje bruk sosiale medier som reine annonser.
• Referer andre autoritetar oftare enn du refererer til deg sjølv. Legg alltid inn peikar til dei andre.
• Ver edru…

Eg har meldt meg inn – kva no?

• Bruk eit par veker til å lytte / observere
• Bygg opp nettverket ditt.
• Søk aktivt etter folk du kjenner og folk du vil lytte til, og knytt dei til deg i krinsen din.
• Logg deg inn dagleg og sjekk aktiviteten.
• Sjå korleis andre gjer det, kva som verkar bra og kva som ikkje ser så bra ut.
• Svar når du får direkte spørsmål, eller når det elles er naturleg.
• Gjer det lett å finne deg.
• Ha lenke til profilane dine i epost, på brev, visittkort, Arbeidstilsynet sine nettsider osv.
• Lær meir. Google ”Sosiale medier”, ”Hvordan bruke sosiale medier” osv.

Overvak forvaltningsområdet til tilsynet i sosiale medier

• Identifiser dei mest relevante nettsamfunna, og bruk dei jamnleg for å lære dei å kjenne.
• Sjå korleis andre brukar sosiale medier med suksess – og lær av feila deira.
• Finn nettsamfunna til opinionsleiarane og følg dei
• Oppdag og korriger misforståingar og faktafeil.
• Del lenkjer til eigne og andre offentlege ressursar på nettet når det er naturleg.
• Publiser tekst, bilete, lyd, film osv. slik at dei er enkle å dele (ShareThis, RSS, Del på Twitter, på Facebook osv.).
• Svar på spørsmål om forvaltningsområdet til tilsynet.

Korleis hanskast med trolla
(dei som berre er ute etter å provosere)

• Ikkje gje dei merksemd. (Ikkje fôr trolla).
• Ikkje la deg provosere til å svare i same stil.
• Vent med å skrive svar slik at dei ikkje får kjensla av å ha direkteline inn til deg.
• Unngå å vere personleg, ikkje skriv ”Eg” men ”Vi” eller ”Tilsynet” e.l.
• Dersom det er fare for at debatten blir personleg, bruk ein fellesbrukar, ”Vår organisasjon” eller la kollegaer svare i staden.
• Dyrk dei gode innspela – prioriter å svare på dei, og bruk minimal tid på dei usaklege innspela.
• Lag felles reglar for kor tid de skal svare på vegne av organisasjonen, og kor tid de ikkje skal svare eller slette innlegg.

Sjå: Framlegg til reglar for debattforum.

Nokre kjelder

• UiO/FAD: Sosiale medier i departementene – idag og fremover
• Riksarkivaren: Journalføring og arkivering av meldinger på sosiale medier
• Engaging through social media: A guide for civil servants (UK)
• Capgemini: Sosiale nettverk som portal for offentlig sektor
• Rapport om sosiale medier i departementene: Behov for guidelines
• Cabinet Office (presentation): Social Media and Modern Ways of Working to Civil Service Live
• Whitehall Webby – Digital media in government (blogg)
• WebContent.gov (US) (f.eks.: Social Media)
• Social Media Governance (US): Policy database
  

• Ei forkorta utgåve av førelesinga (lysbileta) kan lastast ned som PDF her.

Virkar ikkje videoen ovanfor, klikk her: Sjå TV-opptak av seansen “er jeg meg på nett?” (ca. 45 min.)

Problemstillingane i seansen “Er jeg meg på nett?” tok først og fremst utgangspunkt i mediefolk, men det meste kan overførast også til andre bransjar.

Det brukt ein del tid i møtet på scena å diskutere om ein kan vere seg sjølv i sosiale medier, eller om ein må ta omsyn til arbeidsgjevarar og andre som ein elles representerer. Det vart gjort forsøk på å dra opp grenseliner for kva ein kan tillate seg i sosiale medier, men panelet var samde om at arbeidsgjevarar bør innvilge ein viss tabbekvote, og at det er vanskeleg å bli god på å bruke sosiale medier utan å gjere nokre feil først.

Nina Nordbø drog opp ein del interessante spørsmål i bloggen sin i forkant, og fekk mange konstruktive tilbakemeldingar i kommentarfeltet.

F.v.: Kjetil H. Dahle, Jan Ove Årsæther, Nina Nordbø og Arild Nybø. Foto: Hildegunn Holtet. (CC 2.0)

Webutviklar Terje Sørbø .

Selskapet tilbyr alt i dag å drive nettstader for kundar ved å produsere og publisere innhald i form av tekst og multimedia. Når Sørbø er på plass hausten 2010 vil Mediebruket i tillegg kunne utvikle nettløysingar og nettsider frå grunnen av, og med det tilby å ta ansvar for heile nettstaden til kundane.

- Vi vil endeleg kunne tilby totalpakkar innan nettløysingar, alt frå å drive det tekniske til det å skrive og leggje ut innhald på nettstaden. Dette er noko kundane våre har etterspurt i lang tid, seier dagleg leiar Arild Nybø.

- Kundane kan velje heile pakken, eller deler av den dersom dei vil gjere ein del av jobben sjølv. Vi kan t.d. tilby innhaldsoppdateringar på fast basis, med så hyppige intervall som kunden sjølv ser behov for. Dermed blir det vårt ansvar å ta initiativet til å publisere nytt innhald, og kunden slepp å tenkje på dette i det daglege. Vi kan i tillegg overvake omtale av kunden i tradisjonelle medier og sosiale medier.

Meininga er at kunden skal sleppe å forhalde seg til mange ulike leverandørar: t.d. ein hostingleverandør, ein webdesigner, ein portalleverandør, tekstforfattarar osv.

Det som ikkje Mediebruket kan levere sjølv, vil bli levert av underleverandørar etter behov, utan at kunden treng forhalde seg til alle desse.

Mediebruket er også med i samarbeidet Mediekameratane, og kan saman med verksemdene der tilby eit svært vidt spekter av tenester og kurs innan kommunikasjonsrådgjeving, møteleiing, førebuing og gjennomføring av konferansar, tekstforfatting, nynorskomsetjing og mykje meir.

Den nye medeigaren vil eige ein halvpart av selskapet, medan grunnleggjar og innhaldsutviklar på internett, Arild Nybø, eig den andre halvparten. Begge skal arbeide fulltid i Mediebruket AS, og Nybø held fram som dagleg leiar og innhaldsutviklar.

Dagleg leiar og innhaldsutviklar for internett, Arild Nybø.

Terje Sørbø (32), kjem frå stillinga som seniorutviklar i Firda Digital. Han har lang erfaring som grensesnittprogrammerar, og har kompetanse på LAMP-miljø og open source-programvare. Terje har også erfaring med Ruby on Rails, og har utvikla fleire produksjonsverktøy for mediebransjen.

Arild Nybø (42) har siste året drive Mediebruket, og har tidlegare vore m.a. kanalredaktør i Firda, informasjonssjef i Helse Førde og nettansvarleg i NRK Sogn og Fjordane.

I tillegg vil Mediebruket halde fram med å tilby kurs for bedrifter og organisasjonar i bruk av sosiale medier, og dessutan drive utvikling av eigne applikasjonar (program) og nettløysingar for mobiltelefonar, og med støtte frå Innovasjon Norge utvikle nye tenester og løysingar for leveranse innhald på nett.

• Referansar
• Tenester

Mediebruket har vore så heldig å få oppdraget med å lage til kurs over ti veker for 23 deltakarar. Kurset er utvikla av ABM-utvikling og er oppdatert og tilpassa av Mediebruket.

I løpet av dei ti vekene er det tre heildagssamlingar, medan resten av kurset blir utført på nett med arbeidsoppgåver og rettleiing frå kursleiar.

Emna er m.a.:

• Blogg
• Twitter
• Nyheitsstraumar (RSS)
• Biletdeling (Flickr, Picasa m.m.)
• Podkast
• Videodeling (Vimeo, YouTube m.m.)
• Venestader, chat (Facebook, Origo, Google Buzz m.m.)
• Søk, sosiale bokmerker
• Wiki
• Nettskya
• Karttenester
• Mashups
• Trendar

Mediebruket har vore med Mediekameratane på studietur i regi av IT-Forum Sogn og Fjordane i USA i San Francisco-området.

Turen var lagt opp av Innovasjon Norge sitt kontor der borte, med mange spennade bedriftsbesøk i Silicon Valley og San Francisco Bay-området på programmet.

• Les meir hos Mediekameratane.

Biletet: Mediekameratane ved Golden Gate Bridge utanfor San Francisco by. F.v.: Anne Margrete Alværn, Anne-Mette Hjelle og Arild Nybø.

5. februar heldt eg hyggjeleg føredrag for 60-70 kulturarrangørar frå Vestlandet, hovudsakleg innanfor rytmisk musikk. Føredraget m.m. kan lastast ned her.:

• Last ned utfyllande notat frå førelesinga
• Last ned nettversjonen av presentasjonen (utan foto)
• Last ned oppgåveskjemaet

Målet var å skape litt merksemd kring påmeldinga til Framtidsfylket Karrieremesser i februar 2010, i Bergen, Oslo og Trondheim.

Vona var at inntil 100 ville ta testen første dagen den låg på nettet. Men alt etter nokre timar hadde meir enn 300 personar svart på alle 20 spørsmåla. Dette er gledeleg mange. Dei som får høg score publiserer resultatet på Facebook-profilen sin, og dermed får quizen ei viral spreiing via sosiale medier. Såleis går resten av marknadsføringa av seg sjølv, og stadig fleire får litt meir kunnskap om Sogn og Fjordane som fylke å gjere karriere i og bu i.

Ta testen her.